Филми коргардони ҷавони тоҷик Файзуллои Файз – “Бачаи обӣ” дар ҷашнвораи байналмилалии филмҳои авруосиёии “Eurasian Film Festival” дар Лондон барандаи ҷоиза шудааст.
Дар ин бора худи коргардон Файзуллои Файз дар саҳфаи фейсбукияш хабар додааст.
“Бачаи Обӣ” ба даври ниҳоии бахши “Филми бадеӣ” (Feature Film) роҳ ёфта, барандаи ҷоизаи “Интихоби тамошобинон” (Audience Choice Award) гардидааст
Ҷоизаи филм дар маросими ҷоизасупорӣ ба намояндаи Сафорати Тоҷикистон дар Бритониё ва Ирландияи Шимолӣ тақдим шудааст.
Намояндаи сафорат дар робита ба вокуниши тамошобинон ба филм гуфтааст: "Дар ҳақиқат филмро мардуми ҷамъомада хеле хуб пазироӣ намуданд…"
Маҳмадсаид Шоҳиён, мудири идораи давлатии “Тоҷикфилм” дар ин филм продюссер будааст.
Ҷоизаи филм ба коргардони ҷавони тоҷик ба Душанбе аз тариқи Сафорати Тоҷикистон расонида хоҳад шуд.
ИЗОБРАЖЕНИЕ
Ёдовар мешавем, ки филми мазкур маҳсули "Тоҷикфилм" буда то ин муддат дар ҷашнвораҳои байнулмилалии мухталиф барандаи ҷоизаҳои дигар ҳам шудааст.
