Ришӣ Сунак, як сиёсатмадори ҳиндутабори Британия, раҳбари нави ҳизби муҳофизакори ин кишвар интихоб шуд ва ҳамакнун, интизор меравад, рӯзҳои наздик ба курсии сарвазирии Бритония нишинад.
Ӯ дар ин мақом Лиз Трассро иваз хоҳад кард, ки ҳамагӣ панҷ ҳафта тавонист дар курсии сарвазири Британия боқӣ монад ва дар пайи иштибоҳ дар ислоҳоти бахши молияи кишвар ба истеъфо равад.
Номзадии Риши Сунакро аксари вакилони парлумони Бритония ҷонибдорӣ карданд. Рақиби ӯ ва раҳбари ҷиноҳи муҳофизакорон дар порлумон Пеннӣ Мордонт дар лаҳзаҳои ахир эълом кард, ки аз идомаи рақобат даст мекашад. Пештар аз ӯ, сарвазири пешини Бритония Борис Ҷонсон ҳам номзадияшро бозпас гирифт.
Риши Сунак, сиёсатмадори ҳиндутабори Британия мебошад, ки қаблан дар бахши молияи ҳукумати Борис Ҷонсон фаъолият дошта ва курсии охирине, ки ӯ нишаста буд, роҳбари хазинадорӣ буд.
Волидони Сунак дар соҳаҳои тиб ва дорусозӣ кор мекарданд. Онҳо солҳои 1960 аз Африқои Шарқӣ ба Бритониё муҳоҷир шуданд. Сунак дар бонки сармоягузории "Goldman Sachs" кор кардааст. Ӯ ва ҳамсараш ҳоло дар раддабандии сарватмандтарин сокинони Бритониё дар ҷои 222-юм қарор доранд.
