Шоҳзода Муҳаммад ибни Салмон ибни Абдулазиз оли Сауд Валиаҳди Арабистони Саудӣ таъсиси Созмони умумиҷаҳонии обро дар шаҳри ар-Риёз эълон кард, ки ҳадаф аз он таҳкими ҳамгироии байналмилалӣ ҷиҳати ҳалли ҳамаҷонибаи чолишҳои об тавассути табодули таҷриба ва навовариҳои технологӣ, тадқиқот ва мусоидат ба маблағгузории бунёди тарҳҳои сифатан баланд ба манзури таъмини устувории захираҳои об ва дастрасии умум ба он мебошад.
Ин ташаббус баёнгари нақши Шоҳигарӣ дар мубориза бо чолишҳои об дар саросари ҷаҳон ва уҳдадориҳои кишвар нисбати масъалаҳои устувории зерсохторӣ бо назардошти таҷрибаи пешқадами байналмилалӣ дар давоми даҳсолаҳо дар соҳаи истеҳсол, интиқол ва тақсими об, навовариҳо барои ҳалли технологии чолишҳо, саҳмгузорӣ дар сарбанди рӯзномаи байналмилалӣ гузоштани масъалаҳои вобаста ба об ба шумор меравад, ки аз ҷумлаи он то ҳол ҷудо кардани зиёда аз 6 млрд долл. ИМА барои кишварҳои 4 қитъаи ҷаҳон ҷиҳати иҷрои тарҳҳои обу корезӣ мебошад.
Созмони мазкур ҳадафҳои худро ҳамроҳ бо давлатҳое, ки мувоҷеҳи чолишҳои об мебошанд, ҳамчунин давлатҳое, ки таҷриба ва саҳмияҳои назаррас дар соҳаи об доранд, пиёда карда, бо назардошти эҳтиёҷи рӯзафзун ба об то соли 2050, ки дар он теъдоди аҳолии ҷаҳон тибқи пешгӯиҳо ба 9,8 млрд хоҳад расид, лоиҳаҳои муҳими рӯзномаи ватаниро ба зимма мегирад.
Шоҳигарӣ ба ҳамкорӣ бо давлатҳои узв ҷиҳати саҳмгузорӣ дар татбиқи ҳадафҳои рушди устувор, ки ба таъмини об ва фароҳам овардани ояндаи амн ва устувор дар соҳаи об равона шудаанд, умед мебандад.
Ҳамзамон бо эълони ин Созмон Маҷмаи Умумии Созмони Милали Муттаҳид қатъномаи “Пайгирии натиҷаҳои Конфронси СММ оид ба фарогирии миёнамуҳлати Даҳсолаи байналмилалии «Об барои рушди устувор», 2018-2028»-ро, ки аз ҷониби Ҷумҳурии Тоҷикистон, Подшоҳии Нидерландия ва Ҷумҳурии Сенегал пешбарӣ шуда буд, қабул кард.
