Вазорати маориф ва илми Тоҷикистон мегӯяд, рӯзи душанбеи 11-уми сентябр барои хонандагони синфҳои аз 5 то 11 ва донишҷӯён рӯзи дарсӣ аст.
Ин дар ҳолест, ки дар асоси қонун дар бораи рӯзҳои ид агар таҷлили ҷашн ба рӯзи истироҳатӣ рост ояд, рӯзи дигари корӣ ҳамчун рӯзи истироҳатӣ эълон карда мешавад.
Дар асоси ин, рӯзи 9-уми сентябр, ки истироҳатӣ буда, ҷашни Истиқлоли давлатӣ таҷлил мешавад, рӯзи 11-уми сентябр истироҳатӣ аст.
Вале Вазорати маориф ва илм бо нашри як иттилоия дар саҳифаи расмиаш дар “Фейсбук” хабар додааст, ки дар асоси қонун дар бораи рӯзҳои ид, танҳо рӯзи 9-уми сентябр рӯзи истироҳатӣ буда, рӯзи 11-уми сентябр фақат муассисаҳои томактабӣ ва хонандагони синфҳои ибтидоӣ (синфҳои 1-4) истироҳат мекунанд.
“Машғлиятҳои дарсӣ барои хонандагони синфҳои 5-11 ва донишҷӯён тибқи тартиб ба роҳ монда мешавад”, – гуфтааст Вазорати маориф ва илми кишвар.
Бояд гуфт, ки рӯзи шанбе барои хонандагони синфҳои болоӣ – аз 5 то 11 ва донишҷӯён рӯзи дарсӣ мебошад. Аз рӯи ин, онҳо танҳо рӯзи шанбе, ки дасрӣ аст, итсироҳат мекунанд ва рӯзи душанбе бо тартиби маъмулӣ ба даср мераванд.
Ҳамин тариқ, сокинони Тоҷикистон имсол дар ҷашни Истиқлолти давлатӣ 3 рӯз – 9, 10 ва 11 сентябр пайиҳам истироҳат мекунанд.
Ёдовар мешавем, мувофиқи меъёрҳои қонуни ҶТ “Дар бораи рӯзҳои ид”, агар санаи иди расмӣ, ки дар он рӯзи истироҳат эълон шудааст, ба рӯзҳои шанбе ё якшанбе рост ояд, рӯзи дигари корӣ ҳам рӯзи истироҳат эълон мешавад.
