Афғонистон аз ҳуқуқи овоздиҳӣ дар Маҷмаи Умумии СММ барои пардохт накардани аъзоҳаққӣ маҳрум шуд. Тавре ки газетаи Взгляд менависад, дар ин бора Afghanistan International бо истинод ба ваколатдори умури Афғонистон дар СММ Носир Аҳмад Фоиқ хабар додааст.
Фоиқ шарҳ додааст, ки намояндагии Афғонистон аллакай муддати зиёда аз се сол аст, ки ҳудуди 200 ҳазор доллар маблағи аъзоҳаққиро пардохт намекунад.
Қаблан ин маблағ аз ҳисоби ВКХ-и ҷумҳурӣ пардохт мешуд, лекин толибон* то вақти дар СММ муаррифӣ шудани намояндаашон, онро пардохт карданӣ нестанд. Дар ин бора «Sputnik Афганистан» хабар медиҳад.
Пештар зикр гардида буд, ки Русия ният дорад лоиҳаи қатънома дар Маҷмаи Умумми СММ-ро дастгирӣ кунад. Дар он ба Шӯрои амният тавсия мешавад, ки масъалаи қабули Фаластин ба сифати узви Созмон дубора мавриди баррасӣ қарор гирад.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо – «Афғонистон» бихонед.
