Шурӯъ аз 1-уми июли соли равон маоши кормандони соҳаи буҷетӣ ва идрорпулии хонандагону донишҷӯён 40 дарсад ва меъёри нафақа 30 фоиз зиёд шуд. Фармони марбута аз ҷониби раисҷумҳури Тоҷикистон дар паёми охир ба Маҷлиси Олии кишвар дар моҳи декабри соли гузашта дода шуд. Ва он рӯзи 9-уми январ ба имзо расид.
Барои зиёд гардидани маошу нафақа ва идрорпулӣ беш аз 2 млрд сомонӣ маблағи иловагӣ равона гардида, ҳамаи он “пурра аз ҳисоби маблағҳои буҷети давлатӣ” амалӣ мешавад.
Ҳамин тариқ, музди меҳнати ҳадди ақал дар кишвар 800 сомонӣ муқаррар гардид. То ин дам он 600 сомонӣ буд.
Вобаста ба ин, аз сокинон пурсидем, ки болоравии маошу нафақа то куҷо ба некуаҳволии онҳо таъсир расонидааст ва маблағи иловашударо ба чӣ сарф кардан мумкин аст.
