Сарони кишварҳои Тоҷикистону Қирғизистон Эмомалӣ Раҳмон ва Садир Жапаров рӯзи 29 июл шаҳри Чолпон-Отаи Қирғизистон мулоқоти корӣ баргузор намуда, дар он натиҷаҳои сафари давлатии чанде пеши мутақобиларо баррасӣ карданд.
Ба иттилои хадамоти матбуоти президенти Тоҷикистон, дар ҷараёни суҳбат ҷонибҳо ҳолати кунунӣ ва дурнамои муносибатҳои дӯстӣ, ҳусни ҳамсоягӣ ва ҳамкории Тоҷикистону Қирғизистонро ҳамаҷониба муҳокима карданд.
ИЗОБРАЖЕНИЕ
“Сарони давлатҳо муҳиммияти рушди минбаъдаи ҳамкории тиҷоративу иқтисодӣ ва дигар ҷанбаҳои робитаҳои дуҷонибаро таъкид карда, ба масъалаҳои пешбурди раванди демаркатсияи хатти сарҳади давлатӣ миёни Тоҷикистон ва Қирғизистон таваҷҷуҳи хосса зоҳир намуданд”, – омадааст дар хабар.
Гуфта мешавад, ҳамчунин атрофи мавзӯъҳои мубрами минтақавӣ ва байналмилалӣ мубодилаи афкор сурат гирифт.
ИЗОБРАЖЕНИЕ Акс аз хадамоти матбуоти президенти ҶТ
Ёдрас мекунем, ки рӯзҳои 13-14 март Эмомалӣ Раҳмон бо сафари давлатӣ ба Қирғизистон рафта буд. Аз рӯи натиҷаҳои гуфтушунид дар сатҳи олӣ миёни кишварҳо 16 санади нави ҳамкорӣ ба имзо расид, ки Шартнома дар бораи сарҳади давлатӣ аз муҳимтарини онҳо маҳсуб меёбад.
ИЗОБРАЖЕНИЕ
Садир Жапаров бо сафари давлатии ҷавобӣ рӯзҳои 8-9 июл ба Тоҷикистон омад. Ҷонибҳо Созишнома дар бораи тадбирҳои эътимод байни кишварҳо ва боз 14 санади дигар ба имзо расонида, инчунин Изҳороти муштарак қабул карданд, ки дар он таҳқими минбаъдаи шарикии сатратегӣ тасдиқ карда мешавад.
