Аз 1-уми сентябр дар мактабҳои Тоҷикистон низоми нави баҳогузорӣ ҷорӣ шуд. Акнун сатҳи донишу омодагии хонандагон 10 хол баҳогузорӣ мешавад.
Дар Вазорати маориф ва илми кишвар мегӯянд, ин низоми баҳогузорӣ бо мақсади баланд бардоштани сифати таҳсил, сатҳи дониш, малака ва маҳорати амалии хонандагон, ворид шудан ба фазои ягонаи таҳсилоти ҷаҳонӣ, муайян намудани сатҳи воқеии дониши хонандагон, ҳавасмандгардонӣ ва омода намудани онҳо дар зинаҳои минбаъдаи таҳсил, баҳогузории воқеии дониш, малака ва маҳорати хонандагон ҷорӣ карда шуд.
Сокинон дар бораи ин низом то ҳол назари мушаххас надоранд. Бархеҳо аз ин навгонӣ ҷонибдорӣ карда, мегӯянд, он хонандагонро ба таҳсил шавқманд мекунад. Қисми дигар бошад, бар он назаранд, ки низоми нав вазъро тағйир намедиҳаду танҳо сарфаи вақт аст.
Муфассал дар навори мо бубинед:
