Душанбе. 4-уми август. ОИ «Азия-Плюс» – То имрӯз дар Тоҷикистон 10 тавсияи истифодаи Меъёрҳои байнулмилалии ҳисоботи молиявӣ (МБҲМ)

 

ҷорӣ карда шуд.

Муовини вазири молияи Тоҷикистон Ҷамолиддин Нуралиев ба ОИ «Азия-Плюс» изҳор дошт, ки дар ин самт аслан вазорати молия, гурӯҳи кории таҳияи тавсияҳои дастурии назди Донишкадаи ҷамъиятии муҳосибон ва аудиторони касбии Тоҷикистон ва Шӯрои методӣ оид ба баҳисобгирии муҳосибӣ ва аудити назди комиссияи ҳукуматии гузаштан ба МБҲМ кор мебаранд.

Ба қавли Ҷ.Нуралиев, дар тавсияҳо тарзи истифодаи МБҲМ дар баҳисобгирии муҳосибии амалиёти молиявӣ ва хоҷагӣ шарҳу тафсир дода шуда, ҳамчунин баргузории намунаҳои амалии чунин тарзи таҳияи ҳисобот ва пешбурди кор ба нақша гирифта шудааст. «То охири сол Шӯрои методӣ оид ба баҳисобгирии муҳосибӣ ва аудити назди комиссияи ҳукуматӣ ният дорад боз 24 тавсияи тарзи истифодаи МБҲМ-ро пазируфта, онро ҷорӣ намояд», – гуфт муовини вазир.

Мавсуф зикр кард, ки пас аз гуфтушунидҳои тӯлонӣ бо Бонки таҷдид ва рушди Аврупо ва намояндагони Департаменти байнулмилалии рушди молиявии Бритониёи Кабир дар Тоҷикистон ба вазорати молия муяссар гардидааст, ки оид ба пешниҳоди кӯмаки техникӣ дар шакли таъмин намудан бо машваратчӣ аз ширкати консалтингии «


Corporate




Solutions




Consulting




Ltd


» (Бритониёи Кабир) бо онҳо ба тавофуқ бирасад. Машваратчӣ дар кори ислоҳот ва ҷорисозии МБҲМ дар Тоҷикистон иштирок хоҳад кард.

 

Ба иттилои муовини вазир муддати татбиқи тарҳ се солро дар бар мегирад. Ёдрас мекунем, ки Шӯрои методӣ оид ба баҳисобгирии муҳосибӣ ва аудити назди комиссияи ҳукуматӣ ҷиҳати ҷорисозии МБҲМ ахири соли гузашта таъсис ёфта буд.

Душанбе. 4-уми август. ОИ «Азия-Плюс» – Раиси Ҳизби Сотсиал-Демократии Тоҷикистон Раҳматилло Зойиров чанде қабл аз Истанбул ба ватан баргашт.

Дар мусоҳиба ба хабарнигори ОИ «Азия-Плюс» ӯ иттилоъ дод, ки ҳамроҳи намояндагони доираҳои коршиносони сиёсии Тоҷикистон онҳо дар конфронси байналмилалӣ дар мавзӯи «Мушкилоти амният аз тундгароӣ ва ифротгароӣ», ки дар таърихи 28-29-уми июл доир гашт, иштирок кардаанд. Чорабинӣ дар Донишгоҳи илмҳои Истанбул баргузор шудааст.

Ба гуфтаи Р.Зойиров, дар масъалаи «тундгароӣ ва ифротгароии исломӣ» баҳси доманадоре сурат гирифтааст. «Коршиносони Аврупои Ғарбӣ дар бораи мафҳумҳои «тундгароӣ» ва «ифротгароӣ» танҳо тасаввуроти илмиву назариявӣ доранд, – гуфт ӯ. – Онҳо танҳо аз мавҷудияти чунин мушкилот моро мӯътақид месохтанд, вале ҳеҷ кадоме

 

ин мафҳумҳоро шарҳу тафсир дода наметавонист».

Ба таври дигар, мегӯяд ӯ, мутахассисони ғарб дар бораи «тундгароӣ ва ифротгароии исломӣ» танҳо тасаввурот доранду халос, ки он асоснок набуда, бозгӯи воқеият ҳам нест.

Душанбе. 4-уми август. ОИ «Азия-Плюс» – Кишоварзони ҷумҳурӣ нқшаи кишти такрории зироатҳоро барзиёд иҷро карданд. Сухангӯи вазорати кишоварзии Тоҷикистон Нарзулло Додобоев дар мусоҳиба бо хабарнигори ОИ «Азия-Плюс» изҳор дошт, ки ба ҷои 101 ҳазор гектари пешбинишуда дар 104 ҳазору


915 гектар

заминҳо кишти такрорӣ гузаронида шуд, ки ин 103,9 дарсади иҷрои нақшаро ташкил медиҳад.

Ба гуфтаи ӯ, дар заминҳои даравшуда ҳамчунин кишти зироатҳои дигар, аз қабили ҷуворимакка (20 ҳазору

794 гектар

), шолӣ (5 ҳазору

480 гектар

), дигар зироатҳои ғалладона (9ҳазору

614 гектар

), картошка (

626 гектар

), сабзавот (10 ҳазору

173 гектар

), зироатҳои полизӣ (1 ҳазору

637 гектар

), зироатҳои техникӣ (1 ҳазору

282 гектар

ва хӯроки чорво (55 ҳазору

310 гектар

) низ гузаронида шуданд.

Н.Додобоев зикр кард, ки саҳми кишвоарзони вилояти Хатлон дар барзиёд иҷро гардидани нақшаи кишти такрорӣ назаррас аст. Онҳо нақшаро 103,4 фоиз ва вилояти Суғд 101,5 фоиз ба иҷро расонидаанд. «Миёни ноҳияҳои тобеи марказ хоҷагиҳои ноҳияи Ҳисор нақшаро ба андозаи 224 фоиз иҷро карданд», – афзуд сухангӯи вазорат.

Кӯлоб. 4-уми август. ОИ «Азия-Плюс» – Дар маркази ноҳияи Мӯъминобод – шаҳраки Мӯъминобод сохтмони истгоҳи нақлиёти мусофирбари замонавӣ шурӯъ шуд.

Ба иттилои манбаъ аз мақомоти ҳокимияти давлатии ноҳия, дар маркази шаҳрак ҷиҳати бунёди истгоҳ ба иттиҳодияи ҷамъиятии «Сафар Музаффар» ба миқдори


0,48 гектар

қитъаи замин ҷудо гардидааст.

Ба гуфтаи роҳбари иттиҳодия Саидакбар Ҷалолов, маҷмаа аз истгоҳи нақлиётӣ, қароргоҳи таъмири мошинҳо, чойхонаву ошхона, нуқтаҳои гуфтугӯи телефонӣ ва дигар иншооти маишиву хизматрасонӣ иборат хоҳад буд.

 

«Барои оғози кор аз ҳисоби иттиҳодия мо 70 ҳазор сомонӣ маблағ ҷудо намудем ва дар сурати нокифоягии маблағ, ҷиҳати гирифтани қарз ба бонкҳо муроҷиат хоҳем кард», – афзуд роҳбари иттиҳодия.

Душанбе. 4-уми август. ОИ «Азия-Плюс» – Се нафар шаҳрванди Ӯзбекистон, ки дар қаламрави кишварашон ба содир намудани ҷиноёт гумонбар дониста шудаанду марзи Тоҷикистонро ғайриқонунӣ убур намудаанд, ба мақомоти Ӯзбекистон супурда шуданд.

Иқдоми мазкур «далели нияти неки Тоҷикистон» номида шуда, дар мулоқоти 3-уми август доиргаштаи мақомоти марзбонии Тоҷикистон ва Ӯзбекистон сурат гирифт. Шаҳрвандони Ӯзбекистон Анвар Менглиеви 26-сола, Файзиддин Рӯзиеви 21-сола ва Зариф Ҷӯраеви 20-сола дар таърихи 11-уми июл аз ҷониби марзбонони тоҷик дастгир шуда, бо дархости кишвари ҳамсоя ба онҳо бозпас гардонида шуданд.

Ба қавли яке аз боздоштшудагон А.Менглиев, онҳо сокинони ноҳияи Узуни вилояти Сурхондарё буда, бо асп тавассути маҳали кӯҳистони Боботоғ марзро убур намуда, мехостаанд, ки аз Турсунзода абрешим дастрас кунанд. Падари номбурда Давлат Менглиев низ фарзандашро дар посгоҳи назоратии сарҳадии «Бародарӣ» пешвоз гирифта изҳор доштааст, ки ҳақиқатан ҳам фарзандаш танҳо барои дастрасии абрешим ба Тоҷикистон рафтааст, вале дар роҳи бозгашт марзбонони ӯзбек сӯи онҳо тирпарронӣ мекунанд ва онҳо дар қаламрави Тоҷикистон паноҳ мебаранд. Падари Файзиддин Рӯзиев гуфт, ки пас аз ин онҳоро мақомоти Ӯзбекситон дар пайгарди қонунӣ эълон мекунанд.

 

Тибқи баъзе маълумот ин се нафар аз ҷониби хадамоти махсуси Узбакистон дар даст доштан ба ҷиноёти дигар дар Узбакистон муттаҳам мешаванд, аммо ба ОИ «Азия-Плюс» тасдиқи ин иттилоот муяссар нагардид.

Иқдоми мазкур дар мулоқоти намояндагони Сарраёсати нерӯҳои марзбонии Кумитаи давлатии амнияти миллии Тоҷикистон бо мақомоти Кумитаи ҳифзи сарҳади назди Хадамоти амнияти миллии Ӯзбекистон сурат гирифт. Дар мулоқот масоили ҳамкории хадамоти марзбонии кишварҳо баррасӣ шуданд.

Дар доираи мулоқот ҳамчунин вохӯрии рафиқонаи дастаҳои футболи мақомоти марзбонии кишварҳо таҳти шиори «Дӯстии бидуни марз» низ доир гардид, ки мусовӣ 2 бар 2 анҷом ёфт. Интизор меравад, ки ҷониби Ӯзбекистон ҳамтоҳои худро ба Ӯзбекистон низ ҷиҳати баргузории бозии ҷавобӣ даъват хоҳад кард.