Чанде қабл мулоқоти сафири Тоҷикистон дар Давлати Кувайт Зубайдулло Зубайдов бо валиаҳди Давлати Кувайт шайх Навоф ал-Аҳмад ал-Ҷобир ас-Сабоҳ доир гардид.
Бино ба маълумоти Вазорати корҳои хориҷии ҷумҳурӣ, зимни сӯҳбат валиаҳди Давлати Кувайт ифтитоҳи Сафорати Тоҷикистонро дар кишвари худ рӯйоди муҳим дар муносибатҳои дуҷониба арзёбӣ кард.
Ӯ инчунин изҳор доштааст, ки Кувайт ба густариши муносибатҳои мутақобилан судманд бо Тоҷикистон омода аст ва кушиш ба харҷ хоҳад дод, то дастуру супоришҳои сарони ду давлат ҷиҳати ба роҳ мондани ҳамкориҳои дуҷониба татбиқ гарданд.
Зубайдулло Зубайдов ба Навоф ал-Аҳмад ал-Ҷобир ас-Сабоҳ барои таваҷҷӯҳ ба таҳкими ҳамкорӣ бо Тоҷикистон изҳори сипос намуда, таъкид кард, ки инкишофи муносибатҳо бо Кувайт дар сиёсати хориҷии Тоҷикистон ниҳоят муҳим ба шумор меравад.
Ҷонибҳо ҳангоми сӯҳбат инчунин роҷеъ ба нишасти навбатии вазирони корҳои хориҷии Муколамаи ҳамкории Осиё, ки 29 марти соли ҷорӣ дар Душанбе баргузор хоҳад шуд, табодули назар карданд.
