Донишҷӯи соли аввали Коллеҷи тиббии шаҳри Кӯлоб бо беш аз 60 кило маводи мухаддир боздошт шуд.
Бино ба маълумоти Вазорати корҳои дохилии ҷумҳурӣ, зимни баргузории як амалиёти кормандони мақомот дар қаламрави ноҳияи Шӯроободи вилояти Хатлон ба гумони даст доштан дар муомилоти ғайриқонунии маводи мухаддир сокини деҳаи Хирманҷои ноҳияи мазкур Толибҷон Сафаралиеви 21-сола боздошт шуд.
«Дар вақти кофтукови шахсӣ аз дасташ 5-адад бастаҳои селофанӣ, ки дар дохилашон 60 килою 760 грамм маводи нашъадори «бангдона» буд, дарёфт ва мусодира карда шуд», – гуфта мешавад дар иттилои ВКД.
Зимнан зикр мегардад, ки аз рӯи ин ҳодиса парвандаи ҷиноӣ оғоз гардида, тафтиш идома дорад.
