Душанбе. 2-юми октябр – Пас аз як моҳи тоату ибодат мусулмонони Тоҷикистон аз Иди Фитр ё Рамазон таҷлил карданд.
Субҳи рӯзи чаҳоршанбе, якуми октябр, дар ҳамаи масоҷиди ҷомеъ ва панҷвақтаи кишвар намози Иди Фитр баргузор шуд.
Маъмулан, нахустин табрики Фитр дар Тоҷикистон субҳи зуд бо садои кӯдаконе оғоз мешавад, ки дари кошонаҳоро мекӯбанд ва дар ивази муборакбодӣ аз бузургсолон идона мегиранд. Рӯзи ид ба дидори хешу ақрабо ва барои дуову фотеҳа сари мазори гузаштагони худ мераванд.
Аз рӯи қонунҳои Тоҷикистон иди Фитр дар кишвар рӯзи истироҳат аст.
