Душанбе. 30-уми сентябр. ОИ «Азия-Плюс» – Соли равон дар Тоҷикистон ҷамъоварии 95 ҳазор тонна мева ба нақша гирифта шудааст. Сухангӯи Вазорати кишоварзии ҷумҳурӣ Нарзулло Додобоев ба ОИ «Азия-Плюс» хабар дод, ки то имрӯз кишоварзон беш аз 40,8 ҳазор тонна мева ва беш аз 18 ҳазор тонна ангур ҷамъоварӣ карданд, ки 43 дарсади нақшаи пешбинишударо ташкил медиҳад.
Ба гуфтаи Н.Додобоев, ин нишондиҳандаҳо дар қиёс бо ҳамин давраи соли гузашта мутаносибан 27 тонна мева ва 1,5 тонна ангур зиёдтар аст, вале ҳудуди 90 дарсади он ба аҳолӣ тааллуқ дорад.
Бо таваҷҷӯҳ ба чунин вазъ, Вазорати кишоварзӣ ният дорад, минбаъд баҳри афзоиши ҳосилнокӣ дар ҳамаи хоҷагиҳои деҳқонӣ ва миёни аҳолӣ корҳои таблиғотии фаҳмондадиҳӣ баргузор намояд.
Мувофиқи маълумоти Вазорати кишоварзии ҷумҳурӣ, соли равон дар масоҳати 2 ҳазору
579 гектар
боғҳои нав ва дар майдони
654 гектар
ангурзорҳои нав ташкил карда шуда, ҳамчунин 146 ҳазору гектар боғҳо ва
527 гектар
ангурзор аз нав барқарор гардиданд.
