Дар муқоиса бо ҳамин давраи соли гузашта моҳи майи соли равон қимати орд дар бозорҳои Тоҷикистон 40% боло рафт.
Тавре дар гузориши «Мониторинг» ва огоҳии барвақтӣ дар Тоҷикистон» зикр мегардад, ба санаи 31-уми майи соли равон дар бозорҳои кишвар арзиши як халта орд (50 кило)-и навъи якуми истеҳсоли ватанӣ – 145,95 сомонӣ (30,7 доллари ИМА) ва орди навъи якуми истеҳсоли Қазоқистон – 148,7 сомонӣ (31,2 доллари ИМА)-ро ташкил додааст.
«Агар нархи ҳозираро бо нархҳои ҳамин давраи соли гузашта муқоиса намоем, пас маълум аст, ки нархи орди истеҳсоли ватанӣ – 38% ва орди истеҳсоли Қазоқистон – 36% зиёд шудааст», – таъкид мекунанд муаллифони гузориш.
Бино ба маълумоти Вазорати рушди иқтисод ва савдои ҷумҳурӣ, дар зарфи 4 моҳи соли равон аз хориҷи кишвар ба Тоҷикистон 187,2 ҳазор тонна зироати ғаллдаона ва 71,6 ҳазор тонна орд ворид карда шудааст, ки нисбат ба ҳамин давраи соли гузашта мутаносибан 18,9% ва 54,6% камтар мебошад.
