Дар ВМКБ аъзоёни гурӯҳи ҷинояти, ки дар гардиши ғайриқонунии маводи мухаддир даст доштанд, безарар карда шуданд. Дар ин бора Маркази робитаҳо бо ҷомеъаи КДАМ хабар медиҳад.
Дар ҷараёни амалиёти муштарак дар қаламрави ноҳияи Шаҳритус нашъаҷаллоби эҳтимолӣ, аъзои яке аз гурӯҳҳои ҷиноятии Хоруғ, сокини ҷамоати Поршнев Темурбек Бозорови 48-сола ва писари 21-солаи ӯ Элбек Бозоров дастгир шуданд.
Боздоштшудагон дар фурӯши маводи мухаддир муттаҳам мешаванд. Аснои тафтишоти манзили истиқоматии Бозоров беш аз 2 килло героин, таппончаи Макаров бо 34 дона тир, 40 дона тирҳои гуногун, 300 гармм сангҳои қиматбаҳо, 27 ҳазор сомонӣ, инчунин заврақи резинӣ, ки эҳтимол меравад барои моли қочоқӣ тавассути сарҳади Тоҷикистону Афғонистон истифода мешуд, пайдо ва мусодира гардиданд.
Тавре тафтишоти пешакӣ муайян намуд, Бозоров сангҳои қиматбаҳоро аз корманди Кумитаи ҳолатҳои фақуллода ва мудофеаи шаҳрвандии ВМКБ, ки номаш ифшо намегардад, гирифтааст. Айни замон нисбат ба дастгиршудагон парвандаи ҷиноятӣ боз шуда, тафтиш идома дорад.
