Роҳбари «Россотрудничество» Константин Косачёв ба васоити ахбори умумии Русия изҳор намудааст, ки президенти Тоҷикистон Эмомалӣ Раҳмон ба омӯзгорони забони русӣ аз Русия ваъда кардааст, ки дар сурати ба кор омадан ба Тоҷикистон, онҳоро бо манзил ва маоши шоиста таъмин мекунад.
«Президент Эмомалӣ Раҳмон аз Русия дархост намуд, ки дар сафарбар намудани муаллимони забони русӣ ва дигар фанҳо бо ин забон ба Тоҷикистон мусоидат карда шавад. Ӯ изҳор кард, ки ҳар кадоме аз 4 ҳазор мактаби таҳсилоти умумӣ ба қабули ҳадди ақал як омӯзгор аз Русия омода аст. Ҳамзамон ваъда кард, ки онҳоро бо манзидли зист ва маоши шосита таъмин мекунад», – гуфтааст Косачёв дар мусоҳиба ба хабаргузории РИА Новости.
Зимнан зикр мегардад, ки ҳамин тариқ раҳбарияти Тоҷикистон ба нақшаҳои «Россотрудничество» оид ба таҳияи барномаи кӯмаки бебозгашт баҳри рушди маориф ва омӯзиши забони русӣ дар кишварҳое, ки аз онҳо аз ҳама бештар муҳоҷирони корӣ ба Русия меоянд, посух гуфтааст.
