Дар ҷаласаи имрӯзаи Шӯрои Маҷлиси намояндагони Маҷлиси Олии ҶТ таҳти раёсати раиси палатаи поёнии парлумон Шукурҷон Зуҳуров лоиҳаи тағйироту иловаҳои аз ҷониби ҳукумат пешниҳодшуда ба Кодекси ҳуқуқвайронкунии маъмурӣ баррасӣ шуд.
Тавре котиби матбуотии палатаи поёнии парлумон Муҳаммадато Султонов хабар дод, мутобиқи тағйироти пешниҳодшуда, аз ин ба баъд барои риоя накардани ҳуқуқҳои ноболиғон зимни истеҳсол, ҷойгиркунӣ ва паҳн кардани реклама масъулияти маъмурӣ ҷорӣ мегардад.
«Дар ҷаласаи Шӯрои парлумон ҳамчунин масъалаҳои ворид намудани тағйироту илова ба қонунҳои кишвар «Дар бораи мақомоти прокуратура» ва «Дар бораи Буҷети давлатии Тоҷикистон барои соли 203 низ баррасӣ шуданд», – афзуд номбурда.
