Душанбе. 26-уми июл. ОИ «Азия-Плюс» – «
Боғи устод Рӯдакӣ
»
, ки ба ифтихори 1150-солагии Маликушшуаро аз ҷониби шаҳрдорӣ бунёд гардидааст, шоми
дирӯз,
25 августи соли 2008 ба истифода дода
шуд
.
Дар маросими ифтитоҳи тантанавӣ, пардабардорӣ аз рӯи муҷассамаи Султони шоирон-Абӯабдулло Рӯдакӣ Президенти Ҷумҳурии Тоҷикистон мӯҳтарам Эмомалӣ Раҳмон ширкат варзид.
Таҷдиди боғи мазкур дар асоси дастури Сарвари давлат барои ташкили армуғони сазовор ба ин ҷашнвора аз ҳисоби маблағҳои буҷаи шаҳри Душанбе сурат гирифтааст. Он дар масоҳати
12,78 га
қитъаи замин дар асоси лоиҳаи аз ҷониби ҶСШК «Гипропром» таҳиягардида, аз тарафи ҶММ «Стройкомплекс» дар мӯҳлати 9 моҳ бунёд карда шуд.
Маблағи умумии иншоот бо назардошти офариниши Муҷассамаи биринҷии устод Абӯабдулло Рӯдакӣ, ки
7 метр
баландӣ дорад, зиёда аз 32,8 млн сомониро ташкил медиҳад.
Муҷассама аз тарафи ҳайкалтарош – Рассоми халқии Русия Александр Рукавишников
офарида шудааст.
Дар маҷмӯъ, ин сеюмин иншооти бузургест, ки аз семоҳаи аввали соли ҷорӣ то имрӯз дар радифи 8 бинои 9-ошёнаи истиқоматӣ дар хиёбони Ҳофизи Шерозӣ ва бинои «Қасри пойтахт» дар кӯчаи М. Турсунзода аз ҳисоби маблағҳои буҷети шаҳри Душанбе мавриди баҳрабардорӣ қарор дода мешавад.
Аз нигоҳи таҳлилӣ нигарем, сохтмон дар пойтахти мамлакат тибқи барномаҳои мушаххаси шаҳрдорӣ пайваста ба худ тақвияти тоза касб карда, доираи субъектҳои ба сохтмон, пеш аз ҳама сохтмони иншооти манзилӣ ва хизматрасон ширкаткунанда, чӣ ватанӣ ё хориҷӣ муттасил васеъ мегардад.
Танҳо дар ҳафт моҳи соли равон
аз ҳисоби ҳамаи манбаъҳои сарморягузорӣ дар ҳаҷми беш аз 407 млн. сомонӣ маблағгузорӣ аз худ гардидааст, ки нисбат ба ҳамин давраи соли гузашта 155,2 млн. сомонӣ зиёд мебошад. Фондҳои асосӣ ба маблағи 92,4 млн. сомонӣ ба кор андохта шуданд, аз ҷумла хонаҳои истиқоматӣ қариб 40 ҳазор метри мураббаъ, ки дар муқоиса ба ҳамин давраи соли сипаришуда 4,6 маротиба бештар аст.
Корҳои пудратӣ бошад, ба маблағи
зиёда аз 298 млн. сомонӣ иҷро гардиданд, ки назар ба ҳамин давраи соли гузашта 163,2 млн. сомонӣ зиёд мебошад.
Шумораи коргарони дар сохтмонҳои пойтахт машғулбуда
аз
7015 нафар
иборат мебошад
,
ки мутаносибан ба ҳ
амин давраи соли гузашта 785 нафар
иловатан бо ҷойҳои корӣ таъмин шуданд ва
м
узди миёнаи меҳнатӣ
дар соҳа
897,68
сомониро ташкил
медиҳад.
Айни ҳол дар пойтахт аз ҳисоби сармоягузориҳои хориҷӣ ба маблағи зиёда аз 220 млн. доллари ИМА лоиҳаҳои инвеститсионии сохтмонӣ мавриди татбиқ қарор доранд, ки аз он таъиноти манзилидошта ба иқтидори зиёда аз 116 ҳазор метри мураббаъ манзил, аз ҷумла,
Комплекси манзилӣ дар кӯчаи Саъдии Шерозӣ – Ширкати эронии «Савтехник интернатсионал», Бинои истиқоматии 9-ошёна дар кӯчаи Н.Қарабоев
– Ширкати «Тоҷик-Хай-Ли»,
Комплекси манзилии “Пойтахт-80″–ширкати москвагии «Жилкапинвест», блокҳои 4 ва 5 бояд ба истифода дода шаванд.
Феълан, меҳмонхонаи панҷситорадори «HAYATT REGENCY», ки аз ҳисоби маблағҳои Ҷамъияти дорои масъулияташ маҳдуди «Созидание» бунёд гардидааст, дар арафаи истифодадиҳист. Д
ар ин бора сухангӯи раиси шаҳри Душанбе Шавкат Саидов хабар дод.
