Давоми солҳои 2013-2014 Бонки ҷаҳонӣ (БҶ) барои Тоҷикистон 7 лоиҳа ба маблағи умумии 142 млн. доллари ИМА-ро маъқул шуморидааст.
Бино ба маълумоти бонк, лоиҳаҳои ислоҳоти низоми маъмурии андозбандӣ (18 млн. $), бурси барномавӣ оид ба андешидани тадбирҳои сиёсат бо мақсади рушд (20 млн. $), лоиҳаи таъмини шуғли ҷомеа барои рушди устувори бахши кишоварзӣ ва идоракунии захираҳои обӣ (46 млн. $) ва лоиҳаи беҳбуди хизматгузориҳо дар бахши тандурустӣ (23 млн. $) аз ҳисоби воситаҳои Ассотсиатсияи байнулмилалии рушд (АБР) ва Фондҳои трастӣ маблағгузорӣ мешаванд.
Зикр мегардад, ки лоиҳаи идораи устувори экологии захираҳои замин ва беҳбуди таъминоти ҳаёт дар деҳот (17 млн. $), бурси чорум аз воситаҳои Фонди шарикии глобалӣ дар соҳаи маориф (16 млн. $) ва лоиҳаи ислоҳоти баҳисобгирии муҳосибӣ дар сохтори давлатӣ (2 млн. $) пурра аз ҳисоби воситахои Фондҳои трастӣ маблағгузорӣ шуданд, ки ба сарфаи воситаҳои АБР барои дигар лоиҳаҳои афзалиятнок имкон додааст.
Ба иттилои бонк, ҳаҷми умумии маблағгузорӣ ба лоиҳаҳои нав 71 млн. $ аз ҳисоби воситаҳои АБР, 66 млн. аз ҳисоби воситаҳои Фондҳои трастӣ ва 5 млн. $ аз ҳисоби воситаҳои ҳукумати ҶТ ва ҷамоатҳои маҳаллиро ташкил медиҳад.
Дар моҳи сентябри соли ҷорӣ сандуқи амалкунандаи Бонки ҷаҳонӣ дар Тоҷикистон аз 12 лоиҳа бо маблағи умумии 205,9 млн. $ иборат буд.
