Ширкати ҳавопаймоии «Тоҷик Эйр» баъди таваққуфи 16-сола парвозҳо ба ноҳияи Ванҷи ВМКБ-ро барқарор намуд. Парвозҳо ба ин ноҳия соли 1997 бинобар сабаби вазъи номусоиди фурудгоҳ ва нокофӣ будани шумори мусофирон ба ин хатсайр қатъ гардида буд.
Тавре ба ОИ «Азия-Плюс» аз ҶСК «Тоҷик Эйр» хабар доданд, айни замон фурудгоҳи Ванҷ аз ҳисоби воситаҳои давлатӣ ба тартиб оварда шудаааст, ки ба оғози парвозҳо ба ин ноҳия шурӯъ аз соли 2014 имкон медиҳад.
Ба иттилои манбаъ, парвозҳо дар як ҳафта як маротиба рӯзҳои душанбе тариқи ҳавопаймои нави АН-24 анҷом дода шуда, арзиши билет 70 доллари ИМА муқаррар шудааст ва парвози нахустин рӯзи 6-уми январи соли оянда дар назар аст.
Ноҳияи Ванҷ ба ҳайати Вилояти Мухтори Кӯҳистони Бадахшон шомил буда, 29-уми майи соли 1933 таъсис дода шудааст. Маркази ноҳияи Ванҷ дар 171 километрии шимоли шаҳри Хоруғ воқеъ мебошад.
Қобили зикр аст, ки парвози ҳавопаймоҳои ширкати ҳавопаймоии «Тоҷик Эйр» ба маркази маъмурии ВМКБ – шаҳри Хоруғ идома доранд.
