Чанде қабл мулоқоти раиси Палатаи савдо ва саноати Тоҷикистон Шариф Саид бо сафири Қатар дар Тоҷикистон Алӣ Бен Муборак Саил ал-Муҳанадӣ доир гардид.
Бино ба иттилои хадамоти матбуоти ПСС ҶТ, дар мулоқот атрофи вазъи кунунӣ ва дурнамои рушду таҳкими муносибатҳои дуҷониба гуфтугуӯи доманадору судманд сурат гирифта, зикр гардид, ки Тоҷикистону Қатар дар доираи созмонҳои бонуфузуи байнулмилалие чун СММ, Созмони Конфронси исломӣ ва ғайра ҳамкории пурсамар доранд.
Шариф Саид ба сафир роҷеъ ба муҳити мусоиди сармоягузорӣ дар кишвар, имконоти роҳандозии ҳамкориҳои судманди дуҷониба дар бахшҳои гуногуни иқтисод маълумоти муфассал дода, пешниҳод кард, ки дар Душанбе намоишгоҳи маҳсулоти ширкатҳои Қатар барпо карда шавад.
Дар навбати худ сафир зикр кард, ки доираҳои тиҷоратӣ ва соҳибкорони Қатар ба лоиҳаҳои сармоягузории Тоҷикистон ва кишвараш ҳамчунин ба роҳандозии содироти асалу мева ва маҳсулоти чорводорӣ аз Тоҷикистон таваҷҷуҳ дошта, баргузор кардани чорабиниҳои муштарак, аз қабили намоишгоҳҳову ҳамоишҳои муштараки соҳибкорон барои рушди шарикии тиҷоратиии кишварҳо имконоти зиёд фароҳам хоҳанд овард.
