Имрӯз зимни суханронӣ назди вакилони палатаи болоии парлумони ҷумҳурӣ прокурори генералии ҶТ Шерхон Салимзода аз тамоили афзоиши ҷиноятҳои марбут ба гардиши замин тайи солҳои ахир аз ҷониби мансабдорони давлатӣ изҳори нигаронӣ кард.
Ба гуфтаи ӯ, танҳо давоми соли ҷорӣ мақомоти прокуратура ба 547 қарори раисони шаҳру навоҳӣ дар бораи ғайриқонунӣ ҷудо кардани қитъаҳои замин ба аҳолӣ барои сохмтони манзили зист эътироз овардааанд.
«Танҳо дар ноҳияи Ғончии вилояти Суғд муовини аввали ноҳия Аҳмедов ба 160 нафар шаҳрвандон ғайриқонунӣ қитъаҳои замин ҷудо крада, дар ин кор ба ӯ роҳбари шуъбаи заминсозии ҳамин ноҳия Худойбердиев кумак кардааст», – иброз дошт Салимзода.
Дар идома ӯ таъкид дошт, ки пас аз эътироз овардани мақомоти прокуратура ба қарорҳои ғайриқонунӣ қабулшуда, сокинони ноҳияи Ғончӣ аз мансабдорон талаб кардаанд, ки маблағҳои додааашон, яъне пораро баргардонанд.
«Худойбердиев сабру таҳаммулро аз даст дода, даст ба худкушӣ зад, вале дар навиштаҷоти пеш аз маргаш ба амалҳои ҳаммаслаки худ Аҳмедов рӯшанӣ андохт», – изҳор кард прокурори генералӣ.
Ш.Салимзода ҳамчунин зикрк ард, ки он замон мақомоти прокуратура Аҳмедовро ба ҳабс гирифтанӣ будаанд, вале вакилони Маҷлиси вакилони халқи ноҳия ба ин кор иҷозат надодаанд, зеро ӯ вакили Шӯрои маҷлиси ноҳиявӣ буд. «Пас аз дахолати раиси вилояти Суғд Аҳмедов ба ҳабс гирифта шуд», – афзуд номбурда.
