Душанбе. 22-уми июл. ОИ «Азия-Плюс» – Президенти Ҷумҳурии Тоҷикистон Эмомалӣ Раҳмон бо як гурӯҳ намояндагони аҳли ҷамоатчигии шаҳри Хоруғ, аз ҷумла нафароне, ки чанде пеш ба Ҳукумати Ҷумҳурии Тоҷикистон бо арзу шикоят муроҷиат карда буданд, мулоқот намуд.
Дар мусоҳиба ба ОИ «Азия-Плюс» яке аз роҳбарони ғайрирасмии шаҳри Хоруғ Имомназар Имомназаров иброз дошт, ки дар мулоқот сӯҳбати ошокро сурат гирифт.
«Ман оид ба ҳамаи мушкилоти ҷойдошта, аз ҷумла сатҳи пасти некӯаҳволии мардум, ба фасодкорӣ роҳ додани мақомоти ҳифзи ҳуқуқ президентро огоҳ сохтам», – изҳор дошт ӯ.
«Вохӯрӣ бо президентро мо мусбат арзёбӣ мекунем ва умедворем, ки қарордоди гуфтушуниди мо ҷомаи амал хоҳад пӯшид», – афзуд И.Имомназаров.
Вай баён дошт, ки дар мулоқоти намояндагони мухолифин бо президент ба ғайр аз худаш Толиб Аёмбеков ва Наво
ӣ
Хушачинов ширкат доштанд.
