Айни замон дар қаламрави Тоҷикистон 68 лоиҳаи сармоягузорӣ мавриди амал қарор дорад.
Тавре аз Вазорати молияи Тоҷикистон хабар доданд, маблағи умумии воситаҳои аз рӯи ин лоиҳаҳо азхудшуда дар нимсолаи аввали соли равон 371,3 млн. сомониро ташкил дод.
«Аз ин миқдор маблағ 131 млн. сомониашро қарз ва 189 млн. сомониашро бурсҳо ташкил дода, ҳиссаи Тоҷикистон дар ин лоиҳаҳо ба 51,1 млн. сомонӣ баробар аст», – гуфтанд дар Вазорати молия.
Ба иттилои манбаъ, аз маблағи умумии лоҳахо 8,2 млн. сомонӣ ба бахши идоракунии давлатӣ, 300 ҳазор сомонӣ ба мақомоти ҳифзи ҳуқуқ, 16,1 млн. сомонӣ ба соҳаи маориф, 6,2 млн. сомонӣ ба бахши тандурустӣ, 1,9 млн. сомонӣ ба ҳифзи иҷтимоӣ ва 63,1 млн. сомонӣ ба соҳаи хоҷагии коммуналӣ равона шудаанд.
