Нимсолаи аввали соли ҷорӣ дар шуъбаи ВКД Тоҷикистон дар шаҳри Чкаловски вилояти Суғд содир гардидани 223 ҷиноят дар шаҳр ва ҷамоати Палос ба қайд гирифта шудааст.
Бино ба маълумоти ҳукумати шаҳри Чкаловск, сатҳи ошкоршавии ҷиноятҳо дар ин давра 92,9%-ро ташкил додааст, ки нисбат ба ҳамин давраи соли гузашта 3,9% зиёдтар аст.
Ба иттилои манбаъ, тӯли 6 моҳ аз ҳама бештар далели дуздӣ – 34 ҳолат ба қайд гирифта шудааст, ки дар муқоиса бо ҳамин давраи соли гузашта 8 ҳолат зиёдтар мебошад.
«Содир шудани ҷиноятҳои марбут ба қаллобӣ, авбошӣ ва ғоратгарӣ нисбатан камтар шуда, агар нимсолаи аввали соли гузашта 20 далели қаллобӣ, 9 далели авбошӣ ва 5 далели ғоратгарӣ ба қайд гирифта шуда бошад, соли равон ин нишондиҳандаҳо мутаносибан 7 далели қаллобӣ, 7 далели авбошӣ ва 1 ҳолати ғоратгарро ташкил медиҳанд», – афзуд сарчашмаи хабар.
