Собиқ роҳбари Филармонияи давлатии Тоҷикистон Саидбухорӣ Маҷидов шоми рӯзи панҷшанбе бар асари бемори дил аз олам даргузашт.
Қобили зикр аст, ки субҳи ҳамон рӯз, 31-уми июл бо фармони вазири фарҳанги ҷумҳурӣ ӯ аз вазифаи директори Филармонияи давлатии Тоҷикистон озод шуда, ба мансаби муовини роҳбари гурӯҳи ҳунарии «Базморо» таъин гашта буд.
Ҳамчунин бо фармони Вазири фарҳанги Ҷумҳурии Тоҷикистон ҳунарпешаи халқии Ҷумҳурии Тоҷикистон Шодиев Афзалшо Султонович ба вазифаи директори Муассисаи давлатии «Филармонияи давлатии Тоҷикистон ба номи А.Ҷўраев»
таъин карда шуд.
Имрӯз ҷасади Саидбухорӣ Маҷидов дар зодгоҳаш – ноҳияи Ҳамадонии вилояти Хатлон ба хок супурда мешавад.
