Субҳи рӯзи 4-уми сентябр раиси Кумитаи иҷроияи Ҳизби халқии демократии Тоҷикистон дар ноҳияи Айнӣ Ғаниҷон Қобилов бо 5 нафар волидайни сарбозон барои аёдати фарзандон ба шаҳру навоҳии Душанбе раҳсипор шуданд.
Бино ба иттилои сомонаи расмии ҲХДТ, гурӯҳи ҳизбиён ва волидони сарбозон дар рафти аёдати 3-рӯза дар қисми низомиҳо бо сарбозон вохӯриҳо гузаронида, аз шароити иҷтимоӣ-маишии сарбозон бохабар мешаванд.
Зимнан зикр мегардад, ки Кумитаҳои иҷроияи ҲХДТ дар шаҳру ноҳияҳои вилоят бо мақсади баланд бардоштани ҳисси ватандӯстии ҷавонон корҳои зиёдро ба сомон бурда истодаанд ва ҷиҳати ташкили сафарҳои мунтазами волидайн ба қисмҳои ҳарбие, ки фарзандонашон дар онҳо хизматро адо мекунанд, ҳамаҷониба кӯшиш ба харҷ хоҳанд дод.
