Сафири Фавқулъода ва Мухтори Ҷумҳурии Тоҷикистон дар Ҷумҳурии Арабии Миср Хусрав Нозирӣ cубҳи 14 сентябри 2014 дар Қоҳира ба Президенти Ҷумҳурии Арабии Миср Абдулфаттоҳ Сисӣ эътиборнома супорид.
Бино ба маълумоти сафорати ҶТ дар Миср, Президенти Ҷумҳурии Арабиии Миср зимни арзи дуруд ба Президенти Ҷумҳурии Тоҷикистон Эмомалӣ Раҳмон, ба кишвар ва мардуми Тоҷикистон сулҳ ва пешрафту рафоҳ орзу карда, изҳори умедворӣ намуд, ки густариши муносибатҳои дӯстӣ ва ҳамкорӣ байни Тоҷикистон ва Миср дар заминаҳои гуногун идома хоҳад ёфт.
