Нимаи дуюми имрӯз раиси палатаи поёнии парлумони ҷумҳурӣ ҷиҳати анҷом додани вохӯриҳо бо интихобкунандагон ба водии Рашт раҳсипор шуд.
Тавре котиби матбуотии палатаи поёнии парлумон Муҳаммадато Султонов хабар дод, муддати 10 рӯз Шукурҷон Зуҳуров бо аҳолии ноҳияҳои Нуробод, Рашт, Тоҷикобод, Ҷиргатол ва Тавилдара як силсила вохӯриҳо мегузаронад.
«Зимни боздид аз минтақа раиси палатаи поёнии парлумон ҳамчунин бо вазъи иҷтимоиву иқтисодии ноҳияҳои водии Рашт, ҳалли мушкилоти марбут ба таъсиси ҷойҳои нави корӣ ва бахши иҷтимоӣ низ шинос мешавад», – гуфт Султонов.
