Давоми моҳҳои январ-сентябри соли ҷорӣ ба Тоҷикистон ба маблағи ҳудуди 375 млн. доллари ИМА наздики 440 ҳазор тонна маҳсулоти нафтӣ ворид карда шуд.
Бино ба маълумоти Агентии омори назди президенти ҶТ, дар муқоиса бо ҳамин давраи соли гузашта ҳаҷми воридоти маҳсулоти нафтӣ ба кишвар аз рӯи ҳаҷм беш аз 60% ва аз рӯи арзиш тақрибан 30% афзудааст. Дар зарфи 9 моҳи соли 2013 ба Тоҷикистон ба маблағи 286 млн. доллари ИМА 273 ҳазор тонна маҳсулоти нафтӣ таҳвил гардида буд.
Дар ҳамин ҳол, моҳи сентябри соли равон воридоти маҳсулоти нафтӣ ба ҷумҳурӣ дар ҳаҷми тақрибан 45 ҳазор тонна ба маблағи ҳудуди 41 млн. доллари ИМА амалӣ шудааст.
Ба Тоҷикистон асосан аз корхонаҳои коркарди нафти Русия маҳсулоти нафтӣ ворид гардида, ҳисааи онҳо дар ин бозор тақрибан 90% аз ҳаҷми умумиро ташкил медиҳад. Дар ҳаҷми начандон зиёд ба кишвар маҳсулоти нафтӣ ҳамчунин аз Қазоқистон, Озарбойҷон, Туркманистон, Эрон, Қирғизистон ва боз даҳҳо дигар кишгварҳои ҷаҳон низ интиқол дода мешавад.
Ёдрас мекунем, ки аввали соли равон Русия ва Тоҷикистон оид ба таҳвили бидуни пардохти боҷи содиротии маҳсулоти нафтии Русия дар соли 2014 дар ҳаҷми 1 млн. тонна тавофуқ ҳосил карданд.
