Чанде қабл нахуствазири Тоҷикистон
Қ
оҳир Расулзода аз шаҳри Роғун боздид намуда, дар маросими ба истифода додани як қатор иншоот иштирок кард.
Тавре сармушовири хадамоти матбуоти президенти Тоҷикистон Субҳиддин Муҳиддинов хабар дод, бо иштироки нахуствазири кишвар бинои нави дуошёнае мавриди баҳрабардорӣ қарор гирифт, ки дар он осорохона, китобхона, мактаби мусиқӣ ва маркази эҷодӣ барои кӯдакон фаъолият хоҳанд кард.
«Мавриди истифода қарор гирифтани бинои мазкур, ки дорои 27 ҳуҷраи кории васеъ аст, ба ҳалли мушкилоти норасоии ҷой барои фаъолияти муассисаҳои фарҳангӣ ва таълимотӣ дар шаҳри Роғун мусоидат мекунад», – гуфт Муҳиддинов.
Зимнан зикр гардид, ки Қоҳир Расулзода дар маросими ба истифода додани бинои нави суди шаҳр, ки ба маблағи 1,5 млн. сомонӣ сохта шудааст, низ ҳузур дошт. «Нахуствазир ҳамчунин дар маросими мавриди баҳрабардорӣ қарор гирфтани бинои сеошёнаи меҳмонхона, ки барои сохтмони он зиёда аз 3 млн. сомонӣ маблағ масраф шудааст, низ иштирок кард», – афзуд номбурда.
