Вазири корҳои хориҷии Тоҷикистон Сироҷиддин Аслов чанде қабл бо сафари расмӣ ба Исломобод рафт.
Бино ба маълумоти департаменти иттилооти Вазорати корҳои хориҷии ҶТ, дар чаҳорчӯби сафар вохӯриҳои Сироҷиддин Аслов бо раҳбарият ва дигар ашхоси расмии Ҷумҳурии Исломии Покистон пешбинӣ шудаанд.
Гуфта мешавад, қабл аз сафар вазири корҳои хориҷии ҷумҳурӣ сафири Туркманистон дар Тоҷикистон Ишонқули Аманлиевро бо ҳузур пазируфт.
Зимнан зикр мегардад, ки дар рафти мулоқот мубодилаи афкор атрофи масоили мубрами дуҷониба ва минтақавӣ сурат гирифт.
