Бино ба маълумоти Муассисаи давлатии обуҳавошиносии ҷумҳурӣ, рӯзҳои 20-21-уми ноябри соли равон дар миқёси ҷумҳурӣ тағйирёбии вазъи обуҳаво дар назар буда, борону барф меборад. Дар ин бора ба «Азия-Плюс» сардори маркази матбуоти Кумитаи ҳолатҳои фавқулода ва мудофиаи гржданӣ (КҲФ ва МГ)-и назди ҳукумати ҶТ Ориф Нозимов хабар дод.
Ба гуфтаи ӯ, бо мақсади пешгирии ҳолатҳои фавқулода ва ҳодисаҳои нохуш, Кумита аз шаҳрвандон ва меҳмонони кишвар даъват мекунад, ки аз сафар кардан дар ин рӯзҳо ба мавзеъҳои осебпазир, тариқи роҳҳои кӯхистон ва ҳамчунин аз шикор ва кор дар саҳро худдорӣ кунанд.
