Дар вохӯрии намояндагони Агентии ҳамкории байнулмилалии Ҷопон (JICA) бо вазорату идорахои соҳавии Тоҷикистон, ки рӯзи 10-ум декабр доир мегардад, вазъи кунунӣ ва дурнамои ҳамкориҳои дуҷониба мавриди баррасӣ қарор мегирад.
Бино ба итттилои хадамоти матбуоти Вазорати рушди иқтисод ва савдои ҶТ, дар доираи омодагӣ ба ин ҷамъомад дар Вазорати мазкур вохӯрии муовини аввали вазир Неъматҷон Бӯриев бо роҳбари намояндагии JICA Сузуки Казуя баргузор гардид.
Гуфта мешавад, чунин чорабинии муҳим дар Тоҷикистон бори аввал гузаронида мешавад ва дар он фаъолияти ҷории JICA ва соҳаҳои ояндаи ҳамкорӣ мавриди баррасӣ қарор хоҳанд гирифт.
Зимнан зикр мегардад, ки ҳамчунин тақвияти ҳамкории судманд байни Агентӣ ва Вазорати рушди иқтисод ва савдо, ба курсҳои омӯзишии JICA бештар фаро гирифтани мутахассисони ҷавон, татбиқи барномаҳои дигари муштарак аз мавзӯъҳои дигари мулоқоти дуҷониба буданд.
