Тоҷикистону Покистон ва Афғонистон дар бораи дар муддати се моҳ таҳия намудани лоиҳаи созишномаи сеҷонибаи савдову транзитӣ ба мувофиқа расиданд.
Нашрияи покистонии
The Express Tribune
дар ин робита иттилоъ медиҳад, ки рӯзи 3-юми январ зимни мулоқоти ҳайати кишварҳо дар Исломобод оид ба муҳлати ниҳоии омода намудани лоиҳа гуфтушунид сурат гирифтааст.
Гуфта мешавад, ҳайати Тоҷикистонро дар ин гуфтушунид муовини вазири рушди иқтисод ва савдои ҷумҳурӣ Саидраҳмон Назриев намояндагӣ кардааст.
Зимнан зикр мегардад, ки санади мазкур ба таҳкими ҳамкориҳои тиҷоратӣ миёни Тоҷикистону Афғонистон ва Покистон равона шудааст.
С.Назриев бар ин назар аст, ки роҳ (коридор)-и ҳамлу нақли нақлиётии дар лоиҳа пешбинишуда ба афзоиши сатҳи савдои минтақавӣ ва ҷалби сармояи хориҷӣ мусоидат мекунад.
