Пас аз чопи навбатии карикатураҳои иҳонатомез нисбати пайғамбари гиромии ислом Муҳаммад (с) аз ҷониби маҷаллаи танзи «Шарлӣ Эбдо» (Charlit Hebdo)-и Фаронса, дар торнамои рӯҳониёни маъруфи тоҷик – бародарон Тӯраҷонзодаҳо
муроҷиати 10-дақиқаинаи аудиоии
бародари калонӣ – Эшони Нуриддинҷон ба ҷавонони кишвар нашр шуд.
Дар муроҷиатномаи худ Эшони Нуриддинҷон аз тамоми ҷавононе, ки ӯро гӯш медиҳанд, даъват мекунад, ки ба маҳсулоти истеҳсолшуда дар кишварҳои таҳқиркунундаи Ислом ва муқаддасоти он таҳрим эълон намоянд.
«Магар таҳқири эҳсосоти муқаддаси ҳудуди 2 млрд. мусалмонон озодии сухан аст, магар шахсоне, ки худро демократу ҳомии сулҳ мехонанд, ба чунин амал роҳ дода метавонанд? Дар ҳамон Фаронса барои тахриби оромгоҳи як яҳудӣ қариб тамоми ҷаҳон ба по хест, магар муқаддасоти ислом барои онҳо бегона аст?», – мепурсад рӯҳонӣ.
