Кормандони мақомоти милисаи пойтахт зимни чорабиниҳои махсус ба гумони даст доштан дар муомилоти ғайриқонунии маводи мухаддир сокини 27-солаи шаҳри Кӯлоб Фирдавс Ашӯровро боздошт намуданд.
Бино ба маълумоти маркази матбуоти ВКД Тоҷикистон, зимни кофтукови чизҳои мутааллиқ ба ӯ зиёда аз 1 кило маводи мухаддири сахттаъсири героин дарёфт ва мусодира карда шудааст.
Зимнан зикр мегардад, ки Фирдавс Ашӯров қаблан мутобиқи моддаи 237-и Кодекси ҷиноии ҶТ (Вандализм) маҳкум шуда будааст.
