Боғи ҳайвонот (зоопарк)-и шаҳри Душанберо ба қаламрави Боғи Ғалаба мекӯчонанд ва барои ин аллакай 5 гектар қитъаи замин ҷудо карда шудааст.
Зимни нишасти хабарии рӯзи 16-уми январ сармеъмори шаҳри Душанбе Қудратулло Файзуллоев дар ин робита изҳор намуд, ки айни замон дар қаламрави боғи нави ҳайвонот корҳои сохтмон ва ободонӣ ҷараён доранд.
Ёдрас мекунем, ки Боғи ҳайвоноти Душанбе аз соли 1961 фаъолият мекунад. Он дар қисмати марказии тарафи рости хиёбони Исмоили Сомонӣ, дар наздикии дарёи Душанбе воқеъ аст. Имрӯз дар боғи ҳайвоноти Душанбе 130 навъи ҳайвонот нигоҳуюин карда мешаванд.
Қобили зикр аст, ки Боғи ҳайвоноти Душанбе аз соли 2007 узви Ассотсиатсияи минтақавии авруосиёгии боғҳои ҳайвонот ва аквариумҳо (УРАЗ) буда, бо боғҳои ҳайвоноти кишварҳои узви ИДМ, давлатҳои минтақаи Назди Балтика, Олмон, Лаҳистон, Чехия, Словакия ва Булғористон ҳамкорӣ мекунад.
