Тибқи нақша-чорабиниҳои пешбинишудаи Вазорати мудофиаи Ҷумҳурии Тоҷикистон, ҳамасола бахшида ба рӯзи таъсиёбии Артиши миллии кишвар, дар тамоми ҷузъу томҳо ва қисму воҳидҳои ҳарбии ин ниҳоди қудратӣ миёни афсарону сарбозон чорабиниҳои фарҳангиву фароғатӣ ба нақша гирифта мешавад.
Бино ба иттилои маркази матбуоти Вазорати мудофиаи ҶТ, вобаста ба ин, давоми як ҳафта мешавад, ки дастаи ҳаваскорони навъҳои Қӯшуни Қувваҳои Мусаллаҳ, сарбозони гарнизонҳои Душанбе ва Хатлон дар фестивал-озмуни «Суруди сарбоз» байни ҳам бо барномаҳои рангини фароғатӣ ҳунарнамоӣ менамоянд.
Дар ҷараёни баргузории фистивали мазкур аён гардид, ки аксари сарбозон дар он омодагии ҳамаҷониба дидаанд. Беҳтарин хониши шеру суруд, саҳначаҳои ҳаҷвию тарбиявӣ ва дигар ҳунару истеъдодҳои баланд дар иҷрои онҳо мушоҳида мегардид.
Ҷараёни баргузории озмунро бошад, ҳайати ҳакамон, назорат намуда, ба маҳорату малакаи дастаҳои ҳунарӣ баҳогузорӣ менамуданд. Лозим ба ёдоварист, ки мақсад, аз ташкилу ба роҳ мондани ин гуна чорабиниҳо, ин бедор намудани ҳисси ватандустии насли созандаи ин марзу бум, эҳтиром гузоштан ба маҳорати ҷавонони соҳибҳунар ва дар рӯҳияи худшиносиву худогоҳй тарбия намудани онҳо мебошад.
