Аз оғози соли равон ҳаҷми қарзи ширкати «Барқи тоҷик» назди ҶСК «НБО Сангтӯда-1» қариб боз 15 млн. сомонӣ (ҳудуди 2,8 млн. $) афзуд.
Бино ба маълумоти сомонаи расмии ҶСК «НБО Сангтӯда-1», айни замон қарзи ширкат назди нерӯгоҳ дар маҷмӯъ ба 454,1 млн. сомонӣ (беш аз 84 млн. $) расидааст.
Қобили зикр аст, ки аввали соли равон маблағи қарзи ширкат назди нерӯгоҳ 439,5 млн. сомониро ташкил дода буд.
Раиси ширкати «Барқи тоҷик» Раҳматзода Рустам Мирзо зимни нишасти хабарии соли равон дар ин робита
изҳор намуда буд,
ки соли гузашта ширкат 82,3 млн. сомонӣ қарзи нерӯгоҳи «Сангтӯда-1»-ро пардохт намуда, мувофиқа ҳосил шудааст, ки «Барқи тоҷик» ҳар моҳ ба ин нерӯгоҳ дар ҳаҷми 15 млн. сомонӣ маблағи қарзҳоро пардохт мекунад.
