Сӯхторе, ки шоми рӯзи ҷумъа дар бинои Суди олӣ ба амал омад, чандон назаррасу хатарнок набуд.
Тавре аз Суди олии ҶТ хабар доданд, оташнишонон сӯхторро базудӣ хомӯш карда, нагузоштанд, ки ба биноҳои дигар гузарад. Сӯхтор дар камбинети судяи ноҳияи Фирдавсӣ сар зада, касе осеб надидааст. Танҳо як қисмате аз мебели кабинет сӯхтааст.
Тибқи маълумоти пешакӣ, сӯхтор шояд бинобар сабаби истифодаи нодурусти ноқили барқӣ ба амал омадааст.
Қобили зикр аст, ки нимаи дуюми рӯзи 13 феврал аз тирезаҳои ошёнаи чоруми бинои Суди олӣ фаввораҳои дуд намудор буданд. Соати 17-и рӯз се дастаи оташнишонӣ дар маҳалли ҳодиса машғули кор буданд.
