Кормандони Раёсати Агентии назорати маводи нашъаовари назди Президенти ҶТ дар вилояти Суғд дар натиҷаи гузаронидани амалиёти махсус дар ҳудуди шаҳри Хуҷанд сокини ноҳияи Бобоҷон Ғафуровро дастгир намуданд.
Бино ба иттилои шуъбаи робита бо ҷомеаи Агентӣ, ҳангоми кофтукови шахсӣ аз ӯ як адад бастаи селофанӣ ёфт ва мусодира гардид, ки дар дохили он маводи рангаш сиёҳтоб мавҷуд буд.
Гуфта мешавад, мувофиқи хулосаи Шуъбаи ташхиси криминалистии РВКД ҶТ дар вилояти Суғд маводи мусодирашуда ба маводи нашъаовари навъи афюн мансуб буда, дастгиршуда ният доштааст, ки маводи нашъаоварро дар ҳудуди шаҳри Хуҷанд паҳн намояд.
Зимнан зикр мегардад, ки аз рӯи ҳодисаи мазкур аз тарафи Гурӯҳи тафтишотии Раёсати Агентӣ бо моддаи 200 қ.2 КҶ ҶТ (“Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори начандон калон”) парвандаи ҷиноӣ оғоз гардида, боздоштшуда ба Тавқифгоҳи нигоҳдории муваққатии Раёсати Агентӣ ворид карда шудааст.
