Нахуствазири Тоҷикистон Қоҳир Расулзода рӯзи 2 март директори генералии ширкати «Гурӯҳи ширкатҳои 19»-и Чин Жан Юнтсузунро ба ҳузур пазируфта, зимни мулоқот масъалаи иштироки ин ширкат дар сохтмони қитъаи роҳи оҳани Ваҳдат – Ёвон баррасӣ шуд.
Сармушовири хадамоти матбуоти президенти ҶТ Субҳиддин Муҳиддинов ба «Азия-Плюс» дар ин робита иттилоъ дод, ки нахуствазир ба ҳамсуҳбати худ маълумот дод, ки бо супориши президенти мамлдакат Эмомалӣ Раҳмон сохтмони қитъаи роҳи оҳани мазкур бояд то моҳи сентябри соли 2016 ба итмом расонида шавад.
«Расулзода таъкид дошт, ки сарфи назар аз имконоти бузурги моливу фаннии ширкат дар бунёди пулу нақбҳо, суръати сохтмони қитъаи роҳи оҳани Ваҳдат – Ёвон нисбатан сусут ҷараён дорад», – қайд кард Муҳиддинов.
Зимнан зикр гардид, ки дар ин робита тасмим гирифта шуд, ки ояндаи наздик ширкати Чин нақшаи комплексии иҷрои корҳо дар иншооти мазкурро таҳия намуда, техникаву таҷҳизот ва масолеҳи зарурии сохтмонро ба Тоҷикистон ворид месозад.
