Ба муносибати таҷлили ҷашни Рӯзи пойтахт, ки имсол ба 18 апрел рост меояд, дар шаҳри Душанбе як қатор иншоот мавриди истифода қарор мегиранд.
Бино ба маълумоти мақомоти шаҳрдории пойтахт, аз ҷумла қисмати аввали маҷмааи истиқоматии «Диёри Душанбе» иборат аз манзили зисти №1 ва бинои маъмурии №1-и ин иншоот ба истифода дода мешаванд.
Ба иттилои манбаъ, дар маҷмӯъ ба ин муносибат дар пойтахт 15 иншоот, аз ҷумла иншооти мансуб ба ҶСК «Тоҷиктрансгаз» ва ҶДММ «Султони Кабир» мавриди баҳрабардорӣ қарор хоҳанд гирифт.
Ҳамчунин гуфта мешавад, Рӯзи пойтахтро сокинони шаҳр бо шукӯҳу шаҳомат ҷашн гирифта, дар ҳамаи боғҳои фароғату фарҳанги шахри Душанбе сайругашти оммавӣ, намоишгоҳу ярмарка, барномаҳои консертӣ ва дигар чорабиниҳои идона доир мегарданд.
Соати 09-00-и рӯзи шанбеи ҳамин ҳафта ниммарафони навбатии 6-уми байнулмилалӣ оғоз гардида, дар он ба ҷуз сокинони пойтахт, ҳамчунин нмояндагони кишварҳои хориҷӣ низ иштирок мекунанд.
