Давоми моҳҳои январ-апрели соли равон дар корхонаҳои саноатии Тоҷикистон ба маблағи беш аз 3,6 млрд. сомонӣ (тақрибан 570 млн. доллари ИМА) маҳсулот истеҳсол карда шуд.
Тавре аз Агентии омори назди президенти ҶТ иттилоъ доданд, ин нишондиҳанда нисбат ба ҳамин давраи соли гузашта аз рӯи таносуби нарх ба андозаи 15,2% зиёдтар аст.
Афзоиши ҳаҷми истеҳсоли маҳсулоти саноатиро нисбат ба ҳамин давраи соли гузашта дар Агентии омор ба зиёдшавии назарраси истеҳсолот дар бахшҳои коркарди чӯб ва истеҳсоли маснӯот аз чӯб, истеҳсоли коғаз, фаъолияти ноширӣ, саноати кимиё, истеҳсоли дигар маҳсулоти ғайриметаллии минералӣ, тавлиди нерӯи барқ ва ғайра нисбат медиҳанд.
Гуфта мешавад, аз 90 навъи маҳсулоти саноатии муҳим 4 моҳи соли 2015 дар 49 номгӯи он (54,4%) истеҳсоли ҳаҷми маҳсулот афзоиш ва дар 25 номгӯй (27,8%) истеҳсоли он коҳиш ёфта, 16 номгӯи (17,8%) маҳсулот истеҳсол нашудаанд.
Зимнан зикр гардид, ки аз 1 ҳазору 812 корхонаи саноатии назди Агентии омор ҳисоботдиҳанда, дар 4 моҳи аввали соли ҷорӣ 408 корхона фаъолият надоштаанд.
