Пешвои «Давлати исломӣ» дар Афғонистон Шаҳидуллоҳ Шаҳид ҳамроҳ бо 5 ҷангии дигар рӯзи сешанбе дар музофоти Нангархор аз зарбаи ҳавопаймои бесарнишин кушта шуд.
Хабаргузории
Росбалт
бо истинод ба Reuters дар ин робита меависад, ҳамчунин аз ин зарбаи ҳавопаймои бесарнишин муовини фармондехои Давлати исломӣ Гул Замон низ ба ҳалокат расидааст.
Дар Раёсати миллӣ оид ба амнияти Афғонистон изҳор доштаанд, ки Шаҳид роҳандозии ошӯбу бетартибиҳо дар як қатор минтақаиҳо кишварро дар нақша доштааст.
Қобили зикр аст, ки моҳи феврал аз зарбаи ҳавопаймои бесарнишин роҳбари нерӯҳои Давлати исломӣ дар кишвар Мулло Абдул Рауф низ ҳалок шуда буд, ки муддати 10 сол ба ҳаракати ҷиҳодӣ дар Афғонистон сарварӣ мекард.
Бино ба иттилои хабаргузории
РИА Новости
, намояндаи пулиси маҳаллӣ иттилоъ додааст, ки дар вулусволии Ачин ҳадди ақал 18 ҷангӣ ва дар вулусволии Хаска Мин боз 25 нафар ҷангиён кушта шудаанд. Ахиран дар Афғонистон миқдори хеле зиёди ҷангиён ба садоқат ба Давлати исломӣ савганд ёд карданд.
