– Дар шароите, ки ҳукуматдорони ҷумҳурӣ фишор болои Ҳизби наҳзати исломии тоҷикистон ва ҷонибдорони онро кам намекунанд, дар бораи аз хориҷа ба ватан баргаштани пешвои ҲНИТ Муҳиддин Кабирӣ ҳарф гуфтан ҷоиз нест, – изҳор намуд ба «Азия-Плюс» муовини раиси ҲНИТ Маҳмадалии Ҳайит.
Ба қавли ӯ, Муҳиддин Кабирӣ мудом бо ҳизб дар робита аст. «То имрӯз ба муроҷиати раҳбарияти ҲНИТ ба унвони СММ, САҲА, Созмони ҳамкории исломӣ, Иттиҳоди Аврупо, роҳбарони кишварҳои кишварҳои кафил ва узви Гурӯҳи Тамос барои татбиқи Созишномаи умумии истиқрори сулҳ ва ризоияти миллӣ дар Тоҷикистон танҳо Созмони амнияту ҳамкорӣ дар Аврупо расидагӣ карда, ба Вазорати корҳои хориҷии ҷумҳурӣ нота ирсол намуд», – қайд кард М.Ҳайит.
Муовини раиси ҲНИТ таъкид дошт, ки дар бораи ба ҳукуматдорони Тоҷикистон ирсол шудани нотаи САҲА чанде қабл ба ҲНИТ намоянаи ин созмон хабар додааст. «Дар бораи мазмуну мундариҷаи нотаи САҲА намояндаи созмон ба мо чизе нагуфт», – афзуд Маҳмадалии Ҳайит.
Ёдрас мекунем, ки санаи 1 июн Ҳизби наҳзати исломии Тоҷикистон барои нигаҳдории сулҳу субот дар кишвар
ба кишварҳои кафили сулҳ миёни тоҷикон муроҷиат намуд.
ҲНИТ бар ин назар аст, ки зулм нисбати ҳизб метавонад сатҳи тундгароӣ миёни аҳолиро зиёд карда, амният дар минтақаи Осиёи Марказиро зери хатар гузорад.
Маркази тадқиқоти стратегии назди президенти ҶТ, Маркази исломшиносӣ ва аҳзоби сиёсии Тоҷикистон дар робита ба муроҷати Ҳизби наҳзати исломии Тоҷикистон ба СММ, ниҳодҳои байнулмилалӣ ва кишварҳои кафили сулҳи тоҷикон
изҳорот
пахш намуданд.
Маркази исломии Тоҷикистон ба ҲНИТ тавсия дод
, ки созишномаи сулҳи миёни тоҷиконро бори дигар бихонанд ва дар ибораи «иҷро нашудани Созишномаи сулҳ» чиро дар назар доранд.
Шӯрои сиёсиии Ҳизби Демократи Тоҷикистон
дар изҳороти худ дар ин робита зикр кард, ки муроҷиатномаи ҲНИТ онҳоро нороҳат сохтааст.
Раёсати Кумитаи марказии Ҳи
зби коммунисти Тоҷикистон (ҲКТ)
низ дар ҷаласаи имрӯзаи худ муроҷиати Шӯрои Олии сиёсии ҲНИТ-ро
баррасӣ намуда,
онро маҳкум ва «ногаҳониву бемулоҳиза» унвон кард.
