Дар шаҳри Красноярски Русия санаи 6 декабр таҳти унвони ««Маликаи Осиё – Сибир 2015» (Мисс Азия — Сибирь 2015) озмуни зебоӣ доир мегардад. Дар сомонаи газетаи интернетии Newslab.ru овоздиҳӣ сурат гирифта, аз рӯи натиҷаҳои он яке аз духтарон ба унвони «Маликаи овоздиҳии онлайн» соҳиб мешавад.
Дар кастинг 15 нафар иштирокчиён аз Русия, Бошқирдистон, Тотористон, Тува, Хакасия, Якутия, Қирғизистон, Тоҷикистон, Лаҳистон (Полша) ва Украина интихоб шудаанд. Тоҷикистонро дар озмуни мазкур Сайёра Мунаввароваи 20-сола намояндагӣ мекунад, ки муқими шаҳри Красноярск аст.
Сайёра дар бораи худ навиштааст: «Зиндагиро дӯст дошта, онро тавре ки вуҷуд дорад, мепазирам. Ҳамаи амалҳои неку мусбат ва беҳбудиро ба зиндагии худу дӯстонам ва наздиконам ворид карданиам. Хушбахтии бузург барои зан ва оиларо орзу дорам. Ин арзиши аслист. Пул ва комёбӣ он вақте насибат мешавад, ки агар хушбахт бошӣ!».
Барои дастгирии ҳамдиёри худ ба суроғаи
http://newslab.ru/Contest/MissAsia2015/photo/688673
ворид шуда, ба ҷонибдории ӯ овоз дода метавонед.
