Зимни нишасти хабарӣ дар Агентии назорати давлатии молиявӣ ва мубориза бо коррупсияи Тоҷикистон мушовири ёвари президент оид ба масоили ҳуқуқӣ Содиқ Шоҳназаров изҳор дошт, ки бо таъини духтараш Раҳмон Озода Эмомалӣ ба вазифаи раиси дастгоҳи президент, сарвари давлат ба нақзи меъёрҳои қонунгузории зиддикоррупсионӣ, ки кор таҳти раҳбарии хешони наздикро манъ мекунад, роҳ надодааст.
Ба гуфтаи ӯ, дастгоҳи иҷроияи президент, ки чанде қабл раҳбарии он ба дӯши Раҳмон Озода Эмомалӣ вогузор гардид, ба ташкили корҳои тадорукотиву омодагӣ ва баргузор намудани чорабиниҳои ҳукумати ҷумҳурӣ масъул аст.
«Мувофиқи меъёрҳои муқаррарот дар бораи дастгоҳи иҷроияи президенти Тоҷикистон, Раҳмон Озода Эмомалӣ бевосита таҳти роҳбарии нахуствазири Тоҷикистон Қоҳир Расулзода кор мекунад», – таъкид дошт С.Шоҳназаров.
