Сардори Ситоди артиши Ҷумҳурии Исломии Покистон Генерал Раҳил Шариф ба Ҷумҳурии Тоҷикистон ба Душанбе ташриф меорад. Бино ба иттилои Вазорати корҳои хориҷии ҶТ, сафари мансабдори воломақоми низомии ин кишвар аз 29 феврал то 2 март идома меёбад.
Гуфта мешавад, рӯзҳои 28-29 феврал сардори Ситоди Артиши миллии озодибахши Ҷумҳурии Мардумии Чин, генерал-полковник Фан Фенхоэй низ бо сафари корӣ дар Тоҷикистон қарор хоҳад дошт.
Ғайр аз ин, аз 28 феврал то 1 март ҳайати Ҷумҳурии Мардумии Чин бо роҳбарии Намояндаи махсус оид ба масъалаҳои мубориза бар зидди терроризм ва амният ҷаноби Чэн Гопин низ аз Тоҷикистон боздид хоҳад кард.
